சக்தி வினைத்திறன் என்பது ஒரே வேலையினைச் செய்வதற்கு குறைந்த சக்தியினைப் பயன்படுத்துவதாகும். அதாவது சக்தி வீண் விரயமாக்கப்படுவதை அகற்றுவதாகும். சக்தி வினைத்திறன் பல்வேறு வகையான நன்மைகளைக் கொண்டு வருகின்றது: குடும்பங்களுக்கு ஏற்படும் செலவினைக் குறைத்து முழுப் பொருளாதாரத்தின் மீதான செலவினையும் குறைத்து பச்சை வீட்டு வாயு விளைவினையும் குறைக்கின்றது. இவற்றினை அடைந்துகொள்ள மீள்புதுப்பிக்கத்தக்க சக்தித் தொழில்நுட்பமும் உதவுகின்றது. சுவட்டு எரிபொருட்களின் பயன்பாட்டினைக் குறைப்பதற்கான மலிவான மற்றும் அனேக சந்தர்ப்பங்களில் மிகவும் உடனடியான வழி சக்தி வினைத்திறனினை மேம்படுத்துவதாகும். கட்டிடங்கள், போக்குவரத்து, தொழிற்துறைகள் அல்லது சக்தி விநியோகம் என்பவை போன்ற பொருளாதாரத்தின் ஒவ்வொரு துறையிலும் வினைத்திறன் மேம்பாட்டிற்கான அபரிமிதமான வாய்ப்புக்கள் உள்ளன. சர்வதேச அணுசக்தி முகவரின் தகவலின்படி (2017) சக்தி வினைத்திறன் தொழில்நுட்பங்கள் 2060 ஆம் ஆண்டளவில் கரிம நடுநிலையினை அடைந்துகொள்வதை நோக்கி நிலைபெறுதகு முறையில் பங்களிப்பு வழங்கும்.

மீள்புதுப்பிக்கத்தக்கவைகளில் இருந்து உலகளாவிய கரியமில வாயுக் குறைப்புக்குக் கிடைக்கும் பங்களிப்பான 15 சதவிகிதத்துடன் ஒப்பிடுகையில் சக்தி வினைத்திறன் தொழில்நுட்பங்களில் இருந்து உலகளாவிய கரியமில வாயுக் குறைப்புக்குக் கிடைக்கும் சாத்தியமான பங்களிப்பு 34 சத விகிதமாகும். சில குறிப்பிட்ட தூய்மையான சக்திப் பரப்புக்களில் அண்மையில் ஏற்பட்டுள்ள முன்னேற்றம் நம்பிக்கை தருவதாக உள்ளது. ஆனால் பல தொழில்நுட்பங்கள் அவற்றின் உச்ச ஆற்றலை அடைவதற்கும் நிலைபெறுதகு சக்தி எதிர்காலத்தினை விநியோகிப்பதற்கும் இன்னும் உறுதியான உந்தலைத் தேவைப்படுத்துகின்றன.

இந்த அடைவுகளைத் தாண்டி உலகம் முழுவதும் 1.2 பில்லியன் மக்கள் மின்சார வசதியற்றவர்களாக உள்ளனர். அதேவேளை 2.7 பில்லியன் மக்கள் சமையலுக்குத் தூய்மையான சக்தியினைப் பெற முடியாதவர்களாக உள்ளனர். இன்று பச்சை வீட்டு வாயுவினை வெளியேற்றும் பாரிய மூலமாக சக்தித் துறை காணப்படுகின்றது. இது உலக மொத்தத்தின் சுமார் மூன்றில் இரண்டாகும். இதுவே வளி மாசாக்கத்திற்கான பாரிய மூலமாகவும் இருக்கின்றது. இதனால் வருடாந்தம் 6.5 மில்லியன் மக்கள் இளம் பராயத்தில் இறக்கும் நிலை ஏற்படுகின்றது. எனவே 2060 ஆம் ஆண்டளவில் கரிம நடுநிலைமையினை அடைவது என்பது வினைத்திறன்மிக்க தொழில்நுட்பங்களில் முன்னெப்பொழுதும் இல்லாத அளவிலான கொள்கை முன்னெடுப்புக்களையும் முதலீடுகளையும் தேவைப்படுத்தும். ஒவ்வொரு நாடும் நிலைபெறுதகு சக்தி எதிர்காலத்தினை நோக்கி அதற்கேயுரிய இடைமாற்றப் பாதையினை வரையறுக்கவேண்டும். மேலும் இலங்கை அதன் சக்தி வினைத்திறன் இலக்குகளை அடைவதற்காக நம்பிக்கையளிக்கும் பத்து தொழில்நுட்ப இடையீடுகளில் கவனம் குவிக்கும் நிகழ்ச்சித்திட்டத்தினைச் சரியாகத் தெரிவுசெய்துள்ளது.